楊丹梅醫生

今日晨甘早就出左去佐敦


睇婦產科楊丹梅醫生

是同事介紹的, 呢位係一個女醫生, 五十來歲,

好斯文, 講野好細聲的

佢以前係聯合醫院做的, 現出來掛牌, 只有一年多,

係同事以前係聯合醫院睇過佢, 覺得佢好好,

再生第二胎之時, 得知佢已出去掛牌, 便上網找到佢既電話

佢同一位

叫蕭景生的女醫生合辦一間診所

一入呢間診所覺得環境同裝修好唔錯


陶瓷擺設同油畫都好有心思

台上仲有喜康素孕婦奶粉拎


我也拎左三包 

一登記就俾左一張孕婦須知既單張我

大約等45左分鐘先見到醫生


我由頭到尾講俾佢聽上年點解會無左個BB,

同埋依家驗孕捧Show weakly positive,

之後同我驗多一次尿, 今次好明顯係Positive了!

依家應該係4w

預產期應該係30/01/2014, 係年三十!

之後照左一次超聲波, 但因為係第4w, 太細, 咩都未見到

於是約左兩個星期之後再返去照!

甘其實我已經陀緊BB,

未開始作嘔作悶....

最後開埋5mg既葉酸俾我一個月!

第一次睇楊醫生感覺好好, 佢又唔惡, 好好聲氣的!


之後就拎住醫生信, 去聯合醫院約期

係7月9號先第一次見姑娘

仲話唔包有結構性超聲波做

 

之後買埋孕婦奶粉...

今日真係又熱又攰!